PRAKTIKA PROFESIONALE 2021-2022

MINISTRIA E ARSIMIT, SPORTIT DHE RINISË

DREJTORIA E PËRGJITHSHME E ARSIMIT PARAUNIVERSITAR

DREJTORIA RAJONALE E ARSIMIT PARAUNIVERSITAR LEZHË

ZYRA VENDORE E ARSIMIT PARAUNIVERSITAR KURBIN

 

                                                                                                             Laç, më 02.09.2021   

 

NJOFTIM

 

PËR REGJISTRIMIN E KANDIDATËVE PËR PRAKTIKËN PROFESIONALE

NE PROFESIONIN E RREGULLUAR TË MËSUESIT

PËR VITIN MËSIMOR 2021-2022.

 

Mbështetur në shkresën me nr. 4689 prot. datë 01.09.2021 të Ministrisë së Arsimit, Sportit dhe Rinisë “Për zhvillimin e praktikës profesionale në profesionin e rregulluar të mësuesit për vitin mësimor 2021-2022”,

 Zyra Vendore e Arsimit Parauniversitar Kurbin njofton të gjithë kandidatët që kanë perfunduar studimet universitare në fushën e edukimit (mësuesisë), të aplikojnë për regjistrimin në praktikën profesionale per vitin shkollor 2021-2022.

Kandidatët që do të pranohen në praktikën profesionale për profesionin e rregulluar të mësuesit janë të gjithë ata kandidatë që plotësojnë kriteret e përcaktuara në nenin 57, të ligjit 69/2012”Për sistemin arsimor parauniversitar në Republikën ë Shqipërisë”, i ndryshuar.

Profili ku kandidati do të kryejë praktikën profesionale lidhet me programin e studimit të ciklit të parë.

Afati i regjistrimit të kandidatëve për zhvillimin e praktikës profesionale për profesionin e rregulluar të mësuesit është nga data 13.09.2021 deri më 20.09.2021.

Kandidatët që do të aplikojnë për zhvillimin e praktikës profesionale për vitin shkollor 2021-2022 duhet të dorëzojnë brenda këtij afati prane Zyrës Vendore të Arsimit Parauniversitar Kurbin dosjen me këto dokumenta:

 

  1. CV e praktikantit.
  2. Vërtetim banimi nga njësia administrative përkatëse.
  3. Fotokopje e noterizuar e dokumentit të identifikimit.
  4. Fotokopje e noterizuar e diplomës së ciklit të parë dhe të dytë në fushën e edukimit.
  5. Fotokopje e noterizuar e listës së notave të lëshuara nga institucioni i arsimit të lartë.
  6. Raporti mjeko-ligjor.
  7. Vërtetim nga prokuroria që nuk është në ndjekje penale.
  8. Formularin e aplikimit.

 Kandidatët që nuk kanë një prej dokumentave të detyruara të mësipërme skualifikohen nga praktika profesionale.